Сэргээш илэрсэн харваачын харвах эрхийг хаслаа

Ардын хувьсгалын 98 жилийн ойн баяр наадмаар таваас дээш давсан 16 бөхөөс гадна эхний тавд багтсан харваачдаас сэргээшийн шинжилгээ авдаг. Энэ дагуу шинжилгээ авахад хоёр бөх, нэг харваачаас хориотой бодис илэрсэн талаар Баяр наадмын комиссоос мэдээлсэн билээ.

Сурын холбооны Нарийн бичгийн дарга Б.Наранбаяраас сэргээш илэрсэн харваачийн талаар тодруулахад "Өнгөрсөн долоо хоногт нэг сур харваач охиноос хориотой бодис илэрч, шинжилгээний хариу эерэг гарсан талаар бидэнд албан ёсоор мэдэгдсэн. Бид өчигдөр холбооны Ёс зүйн хороогоор энэ асуудлыг авч хэлэлцээд, уг харваачийн шагналыг буцааж, нэг жил харвах эрхийг нь хасах шийдвэр гаргасан" гэв.

Уг харваач Үндэсний баяр наадмаар дөрөвдүгээр байранд оржээ. Сэргээшийн шинжилгээ авдаг болсноос хойш анх удаа харваачаас допинг илэрсэн нь энэ юм.

Сэтгэгдэл бичих

Сэтгэгдлүүд

Наадамчин - 202.9.43.149Уржигдар

Зөв бөгөөд шуурхай шийдсэнд Сурын холбооны Ёс зүйн хороонд баяр хүргэе. Одоо тэр допинг хэрэглэснээ булзааруулж, бусдыг гүтгэж, үндэстнийг хагалах хорт агуулгатай мэдэгдэл хийгээд байгаа Оюунболд гэгч бэртэгчинг журмын дагуу шуурхай шийтгэвэл зохино. Мөн түүнийг хамгаалагч хамсаатнуудыг ч зүгээр орхиж өөгшүүлж болохгүй шүү!