Холын тээврийн хүнд даацын машины жолооч болсон аятайхан австрали бүсгүй


Австралийн Блейз Уильямс бүсгүй 19 настайгаасаа хагас чиргүүлт машин болон 18 дугуйтай ачааны машин барьж байгаа ажээ. Хүнд даацын ачааны  машин барих түүний үнэмлэх жинхэнэ гэдэгт  зарим хүн итгэдэггүй ч, тэр өөрийн ажилд дуртай, өөрийнхөө жишээг дагахыг бусад австрали бүсгүйчүүдэд зөвлөдөг байна.

Блейз эхлээд ачааны машин угаадаг ажилд оржээ. Тийнхүү ийм машиныг нэг газраас нөгөө газарт тавьж байхын тулд жолоочийн үнэмлэх авмаар юм хэмээн түүнд зөвлөсөн байна. “Ийм машинууд хүрч ирээд, миний хажууд зогсохыг хараад, эхлээд айдаг байсан ч, сүүлд нь ийм машин барих нь надад үнэхээр аятайхан санагдаж билээ. Бусдаас онцгойрох нь надад байнга таалагддаг  учир, ачааны тэрэгний жолооч болох гэсэн  хүсэл маань бүрнээ зүйн хэрэг байсан юм. Би бага зэрэг Барбигийн маягаар хувцасладаг  байсан ч,  бусад жолоочийн дунд өөрийгөө залуу хархүү хэмээн үздэг” гэж тэр хэлжээ.



Бүсгүй ачааны тэрэг  барих үнэмлэх авсанаасаа хойш нэг жилийн дараа холын тээврийн хүнд даацын машины жолоочоор ажилд орсон байна. Замд явж байх нь түүнд маш сайхан санагддаг бөгөөд “замд явах нь оффисын ажлыг бодвол, хамаагүй эрх чөлөөтэйгээс гадна, хэн нэгэн хүн  чиний ширээг түшин таахалзахгүй” гэж тэр хэлдэг аж.