Хятадын “Чаньэ-4” хөлөг сарны цаад талд анх удаа газардлаа


Хятадын “Чаньэ-4” хөлөг энэ сарын 3-нд Бээжингийн цагаар 10:26-д хүн төрөлхтний түүхэнд анх удаа дэлхийгээс харагддаггүй сарны цаад талд амжилттай газардсан тухай Хятадын Төв телевиз мэдээлжээ.

Сарны станц ба сараар явагч бүхий “Чаньэ-4” хөлөг нь сарны өмнөд туйлын 117.6 градусын зүүн уртраг, 45.5 градусын өмнөд өргөрөгт Эйткений тогоонд газардсан бөгөөд гадаргуу ба хөрсний шинжилгээ хийх аж. “Чаньэ-4” өчигдөр сарны цаад талын зургийг анх удаа дэлхий рүү илгээжээ.

Тус хөлөг онгоцыг Хятадын Сичуан мужийн Сичан дахь сансрын төвөөс арванхоёрдугаар сарын 7-нд хөөргөжээ. Чаньэ гэдэг нь Хятадын домогт гардаг сарны дагины нэр юм байна.  

Б.Туг

Сэтгэгдэл бичих

Сэтгэгдлүүд

Zochin - 66.181.161.532019-01-04 18:07:30

Hogjchihjee neeree ain

Зочин - 112.72.11.1202019-01-04 11:54:11

Гайхамшиг.