Ц.Хулан: Монгол хэлний тухай хуулийн хэрэгжилтэд дүгнэлт хийж үзэхэд тун хангалтгүй

Монгол Улсын Ерөнхийлөгч Х.Баттулга 2018 оны тавдугаар сарын 3-ны өдөр “Монгол бичгийн хэрэглээг нэмэгдүүлэх ажлыг эрчимжүүлэх тухай” 46 дугаар зарлиг гаргасан билээ.

Дээрх зарлиг гарснаас хойш багагүй хугацаа өнгөрч байгаа тул Их эзэн Чингис хааны мэндэлсэн Монгол бахархлын өдрийг угтан зарлиг гарснаас хойш үүрэг, чиглэл авсан салбарын яам, агентлагт, төрийн болон төрийн бус байгууллагууд ямар ажил хийж, хэрэгжүүлж байгаа талаарх хэлэлцүүлэг өнөөдөр Монгол Улсын Ерөнхийлөгчийн дэргэдэх Иргэний танхимд боллоо.

Хэлэлцүүлгийг нээж Монгол Улсын Ерөнхийлөгчийн соёл, шашны бодлогын зөвлөх Ц.Хулан:

“Эрхэм та бүхний энэ өдрийн амар амгаланг айлтгая.

Маргааш тохиож буй өвлийн тэргүүн сарын шинийн 1-н буюу Их эзэн Чингис хааны мэндэлж, мэлмий гийсний, Монгол бахархлын өдрийн мэндийг дэвшүүлж байна.

Монгол Улсын Ерөнхийлөгч Х.Баттулга өнөө жилийн Үндэсний бичиг үсгийн баярыг тохиолдуулан 2018 оны тавдугаар сарын 3-ны өдөр “Монгол бичгийн хэрэглээг нэмэгдүүлэх ажлыг эрчимжүүлэх тухай” 46 дугаар зарлиг гаргасан гэдгийг та бүхэн сайн мэдэж байгаа. Сүүлийн үед нийгмийн сүлжээнд болон олон нийтийн сүлжээнд төр засгийн байгууллагуудын анхаарлыг татсан сэдэв нь Монгол бичгийн юникод буюу олон улсын стандарт кодчиллын асуудал болсон. Уг асуудалтай холбогдуулан Монгол хэлний тухай хуулийн хэрэгжилтэд дүгнэлт хийж үзэхэд хуулийн хэрэгжилт тун хангалтгүй байна.

Монгол хэлний тухай хууль мөрдөгдөж эхлээд гурван жилийн хугацаа өнгөрөхөд хуулиар үүрэг хүлээсэн байгууллагууд үүрэгт ажлаа хийж эхлүүлээгүй, тэр байтугай өөрийн хүлээсэн үүрэг, заалтаа ч мэдэхгүй хэмжээнд байгаа нь нэн харамсалтай байна.

Иймд Монгол Улсын Ерөнхийлөгч Х.Баттулга Монгол хэлний тухай хуулийн 9.1.3 дахь заалтаар хүлээсэн “монгол хэл, бичиг үсгээ хэрэглэх, эзэмших, хамгаалах, хөгжүүлэх чиглэлээр зарлиг гаргах, төрийн холбогдох байгууллагад чиглэл өгөх” гэсэн эрх үүргийнхээ хүрээнд монгол бичгийн хэрэглээг нэмэгдүүлэх ажлыг эрчимжүүлэх талаар зарим байгууллагуудад үүрэг чиглэл өгсөн зарлиг гаргасан” гээд зарлигийг зарим зүйл заалтыг онцгойлон анхааруулав.

Хэлэлцүүлэгт оролцогчид:

  • Монгол бичгийн дунд болон урт хугацааны үндэсний хөтөлбөрийн төсөл
  • Монгол бичгийн цахим кодыг хэрэглэх үндэсний стандартын асуудал
  • Албан байгууллага, аж ахуйн нэгж, барилга байгууламжийн хаягжилтын талаар танилцуулга
  • Монгол хэл, бичгийн хөгжлийг шинэ түвшинд хүргэх нь зэрэг сэдвээр ярилцаж, хэлэлцүүлэг өрнүүллээ.

 

 

 

 

Эх сурвалж: Ерөнхийлөгчийн хэвлэлийн алба

Сэтгэгдэл бичих

Сэтгэгдлүүд

Зочин - 66.181.176.2522018-11-08 09:07:15

Ерөнхийлөгчөөсөө аваад дороо хүртэл монгол бичгээр уншиж, бичиж чаддаг нь хэд болдоо, хөөрхий...

сугар - 202.179.24.2202018-11-07 20:14:15

өөрөөр яриад өөрөөр бичнэ гэж малтаад яахав дээ

сугар - 202.179.24.2202018-11-07 20:03:10

монгол хэлнии хуучны галигииг хаях хэрэгтэи ,зүгээр л үсгииг нь кириллиин оронд хэрэглэж орчин үеиин хэллэгээр шууд бичдэг болбол хэн ч сурахад амар шүүдээ тэрнээс хуучнаар сургагул,өгөгүлбэрэ энэ тэр гээд бичээд баивал өөр нэг шинэ хэл үзэж баигаа мэт хүнд хэн ч сурахгүи ,хүүхэд багачууд битгии хэл бид ч оилгохгүи мунхаг асуудал болно ,энгиин иргэд одоо кирииллээр бичиж баигаагаа шууд үсгииг солиод л хэрэглээд явчихья,судлаачид ,шинжээчид эрдэмтэд л тэр хуучин галигыгсудлана биз, хэл ер нь олон зууны явад өөрчлөгдөөд иим болсон энэ ярьж баигаа хэллэгээрээ л биччихвэл боллоо шүүдээ,тэрнээс яаж ч уншаад оилгохгүи хэзээ ч ярихгүи хэллэгээр сурна гэж яаж баихав дээ ,бүтэхгүи асуудал,орост л гэхэд хуучин славян хэллэгээр яриад бичээд эхэлвэл хүүхдүүд нь ярилаа юу? бичлээ юү? тэгэхээр зүгээр л үсгииг солиод л хэрэглэвэл амар хялбар болж хэн ч сурна,гадаад хүмүүс угаасаа монгол хэл мэдэхгүи бичиж чадахгүи шүүдээ