Үндэсний Их баяр наадмын нээлт өнөөдөр 11.10 цагт Төв цэнгэлдэх хүрээлэнд боллоо. Энэ жилийн наадмаар Тулгар төр байгуулагдсаны 2227, Их Монгол Улсын 812, Ардын хувьсгалын 97 жилийн ой тохиож байгаа.
Төв цэнгэлдэх 10.00 цагт үзэгчээр бараг дүүрсэн байлаа. Эндээс харахад жил бүрийн наадмын нээлт болон хаалтын үзүүлбэр жуулчид төдийгүй монгол түмнийг огшоодог, хүсэн хүлээдэг үйл ажиллагаа ажээ.
Наадмын нээлтийг Улсын драмын эрдмийн театрын ерөнхий найруулагч, Төрийн соёрхолт Н.Наранбаатар найруулсан бөгөөд энэ удаа тусгаар тогтнол, хэл, бичиг, газар шороо, ёс заншил, өв соёл зэрэг үндэсний аж байдал, ахуй амьдралын соёлын онцлогийг чухалчилсан есөн хэсгээс бүрджээ.
Сэтгэгдэл бичих