АНУ, БНСУ-ын хамтарсан цэргийн сургуулилт амжилттай дууслаа

Хойд Солонгос улсын зүгээс асар их эсэргүүцэлтэй тулгараад байсан АНУ болон БНСУ-ын хамтарсан "Foal Eagle" цэргийн сургуулилт төлөвлөсөн хуваарийн дагуу амжилттай явагдаж өчигдөр дууслаа. Хоёр сарын хугацаанд үргэлжилсэн АНУ, БНСУ-ын хамтарсан цэргийн сургуулилтад АНУ-ын 15 мянга Өмнөд Солонгосын найман мянган цэрэг оролцсон.

Өмнөд Солонгосын Батлан хамгаалахын сайдын төлөөлөгч Ким Мин-сүк энэ талаар мэдэгдэхдээ хоёр орны цэргийн сургуулилт өндөр үр дүнтэй болж өнгөрснийг цохон тэмдэглэж, “АНУ болон БНСУ-ын хамтарсан цэргийн сургуулилт үүгээр дуусгавар болж байна. Гэхдээ Хойд Солонгосын зүгээс пуужин хөөргөх зэргээр аюултай үйлдэх хийх эсэхийг ажигласаар байх болно” гэсэн байна.  АНУ-ын зүгээс хамтарсан "Foal Eagle" цэргийн сургуулилтын үеэр үл үзэгдэх технологиор бүтээсэн “B-2”, “B-52” зэрэг сөнөөгч, бөмбөгдөгч онгоцуудыг ашигласан нь Хойд Солонгосын эгдүүцлийг ихээр төрүүлсэн юм.

Х.Төгөл

Сэтгэгдэл бичих