АНУ-ын ачаа тээврийн онгоц осолджээ

АНУ-ын ачаа тээврийн онгоц Афганистан дахь цэргийн баазруу яваж байх замдаа Баграмын орчимд осолдлоо хэмээн албаны эх сурвалдж мэдээлж байна. Энэ ослоор долоон хүн амь насаа алджээ. Онгоцыг осолдохыг харсан НАТО-ын цэргийн баазынхан “ Онгоц газардах дөхөж байсан ч тогтоосон шугам зурвасаас наана доошилж эхэлсэн. Маш эрчтэйгээр гэнэт унаж цэргийн баазын бараг хил дээр шахуу осолдсон” гэв. Одоогийн байдлаар ямар шалтгаанаар онгоц осолдсон нь тодорхойгүй байна. Аврах албаныхан ослын газар очиж ажиллаж байна. Баграм нь Афганистаны нийслэл Кабул хоттой ойролцоо оршдог. Тэнд АНУ-ын хамгийн том цэргийн бааз байрлаж байгаа юм.

Х.Төгөл

Сэтгэгдэл бичих