Орост эмнэлэг шатаж 36 хүн амиа алдав

ОХУ-ын нийслэл Москва хотод сэтгэцийн эмнэлэг шатаж 36 хүн амь насаа алдлаа хэмээн “Риа Новости” мэдээллээ. Энэ хэрэг шөнө дунд  02.00 цагийн орчимд гарсан бөгөөд бичил хэмжээний дэлбэрэлт болсны улмаас гал гарч ийнхүү олон хүн осолдсон ажээ.

Одоогийн байдалаар шархадсан хүмүүсийн биеийн байдал сайнгүй байгаа бөгөөд амьд үлдсэн цөөнх хүмүүс ч амиа алдах магадлалтай хүн олон байгаа. 

Цагдаа нар галын шалтгааныг тогтоохоор ажиллаж эхэлсэн байна. Эхний байдлаар хийсэн галын дүгнэлтээр цахилгааны богино холбоо үүссэнээс гал гарсан байж болзошгүй хэмээн дүгнэсэн байна. Хүмүүс амьд гарах боломж байгаагүй шалтгааныг эмнэлгийн бүх цонх хаалганууд хамгаалалтын төмөр тортой байсантай холбоотой гэлээ. Гал гарах үед эмнэлэгт 41 өвчтөн байсан юм.

Х.Төгөл

 

Сэтгэгдэл бичих