Монгол банкны ханш

USD / АНУ-ын доллар 2,850.01
CNY / БНХАУ-ын юань 434.98
RUB / ОХУ-ын рубль 38.64
EUR / Евро 3,444.66
KRW / БНСУ-ын вон 2.61
GBR / Английн фунт 3,793.08
JPY / Японы иен 27.27

Улаанбаатар хотын цаг агаар

2022 оны 11 сарын 28, Даваа
Үүлэн борооны явдлын үзэсгэлэн

Үүлэн борооны явдлын үзэсгэлэн

Эх сурвалж: Bataar.mn Шар 2021-05-19 15:36:07

Дэлхий дээр сонин хачин хөшөө дурсгал зөндөө л байдаг. Харин хүн төрөлхтний хамгийн агуу зүйл болох хайр дурлал, тэр дундаа эр эмийн ёсыг харуулсан хөшөө дурсгал хэд хэдэн газар байдаг бөгөөд амьдрал дээр нууцлаг байдаг зүйлийн тухай ил харуулсан энэхүү хөшөөг хараад эхэндээ жаахан цочирддог аж.
Гэлээ ч хүний ёс, хамгийн эрхэм нандин харилцааны асуудал болохоор харин ч хүмүүс маш хүндэтгэлтэй ханддаг тухай хэвлэлд бичжээ.
10 гаруй жилийн өмнө Өмнөд Солонгосын Чэжү арлын амралт зугаалгын төвд өвөрмөц бөгөөд тухайн үедээ маш их маргаан шүүмжлэлийн бай болсон, одоо ч очсон үзсэн хүмүүс ам дамжин ярьсаар байдаг нэгэн парк үүд хаалгаа нээсэн нь Дурлалын Парк буюу Jeju Loveland. Энэ цэцэрлэгт хүрээлэнгийн бүх зүйл хайр дурлалын сэдэвтэй бөгөөд дурлал болоод эр эмийн харилцааны нарийн ширийнийг харуулсан 140 гаруй хөшөө дурсгалаас бүрддэг. Эдгээр хөшөө дурсгалууд байгалийн үзэсгэлэнтэй хослон өвөрмөц нэгэн нууцлаг орчныг бүрдүүлдэг бөгөөд хөшөөг үзсэн хүн эгээтэй л гайхамшигтай сайхан орчинд халуун хайрандаа мансууран дурлалдаа умбаж буй хосууд дээр гэнэтхэн яваад орчихсон мэт сандарч тэвддэг гэнэ.
"Хайрлан дурлалцахад хил хязгаар гэж үгүй" хэмээн хүрээлэнгийн ханан дээр бичсэн байдаг
Энэ хүрээлэнг судлаачид "хайр дурлалд чиглэсэн урлаг болон эротик сэтгэлгээний огтолцол" хэмээн нэрлэдэг. Зарим нэг гаж дүрслэл бүхий бүтээлүүд нь хайр дурлалтай холбоход хэцүү ч гэлээ ямар нэгэн байдлаар хүнийг эргэцүүлэн бодоход хүргэдэг. Энэ хүрээлэнгийн үүссэн түүх сонин. Jeju Loveland Park оршдог Чэжү арал нь Солонгосын дайны дараа залуу хосуудын хурим хийх, бал сараа өнгөрүүлэх дуртай газрын нэг болжээ. Хаашаа л харна цэцэг барьсан цагаахан өмсгөл бүхий залуухан бүсгүй, эсвэл тэврэлдсэн хосуудаар энэ арал дүүрдэг байж. Зөөлөн дулаан цаг агаар, гайхамшигтай сайхан байгаль, далай гээд залуу хосуудын хайр сэтгэлд яг таарах бүх нөхцөл бүрдсэн гайхамшигт энэ арал руу залуучууд эгээ л баланд дурласан зөгий мэт шавцгааж байж.

May be an image of sculpture and outdoors

May be an image of sculpture and outdoors

May be an image of 5 people and people standing

May be an image of sculpture and outdoors

May be an image of 1 person and outdoors

May be an image of sculpture and outdoors


May be an image of sculpture and outdoors

May be an image of sculpture and outdoors


May be an image of sculpture, monument and outdoors


May be an image of outdoors

May be an image of sculpture and outdoors


May be an image of sculpture

May be an image of 1 person, sculpture and outdoors
Солонгосчуудын уламжлалт зан заншлаар бол эхнэр нөхөр хоёр хайр дурлалаар бие биенээ олдоггүй, харин хүү, охиндоо таарах эхнэр, нөхрийг эцэг эхүүд нь ярилцаж тохиролцсоноор "тааруулан" суулгадаг. Ийм учир эхнэр нөхөр хоёр хуримынхаа ёслол дээр анх удаа бие биенээ харах нь элбэг. Эр эмийн харилцааны ёс, нандин урлагийн тухай залуу хос мэдээлэл муутай, ичимхий бүрэг байдгаас анх энэ арал дээр тэдэнд зориулж анхны шөнөө хэрхэн өнгөрөөх, эхнэр нөхрөө хэрхэн өдөөх, хайрлах талаар сургалт явуулдаг "секс боловсролын төв" хүртэл нээгдэж байж. Энэ боловсролдоо зочид буудал, дэн буудлуудыг хүртэл татан оролцуулснаар эхнэр нөхөр хоёр эхний шөнөө тааламжтай өнгөрүүлэх, бүрэг ичимхий занг нь "сулруулах" гэж мэргэжилтэн зөвлөх хүртэл ажиллаж байжээ. Солонгосчуудын энэхүү зан заншилд одоо ч том өөрчлөлт гараагүй тул энэ төрлийн үйлчилгээ улам боловсронгуй болсон аж.
Сексийн анхны боловсрол олгох, залуу хос ичимхий бүрэг байдлаа даван, гэр бүл оршин тогтнохын нэг үндэс болдог бэлгийн харилцаагаа зөв эхлүүлэхэд энэхүү паркийн зорилго оршино.
2002 онд Сөүлийн нэгэн алдартай их сургуулийн санаачлагаар 20 уран барималч эхний эротик хөшөөнүүдийг туурвин босгосноор энэхүү паркийн эх суурь тавигдсан бөгөөд үүнээс 2 жилийн дараа бүрэн болсноор нээлтээ хийсэн юм. Энэ хүрээлэнгийн нийт талбай ердөө 2 хөлбөмбөгийн талбайтай тэнцэх хэмжээтэй тул энэ бүгдийг тайван үзэж харахад ердөө л нэг цаг хангалттай. Байнгын хөшөө, үзмэрүүд, үйлчилгээ, кинотеатраас гадна залуу уран бүтээлчид болон эротик чиглэлээр бүтээлээ туурвидаг нэр алдартай уран бүтээлчдийн үзэсгэлэн сар бүр зохиогддог байна.
Хүүхдийн хүмүүжил, ёс зүйн талаар санаа зовогсдод зориулж хүрээлэнгийн удирдлага тусгай үйлчилгээ гаргажээ. Энэ нь: 1.Хүрээлэнд 18 наснаас дээш насныхан үйлчлүүлэх эрхтэй, 2. Хүүхдүүдэд зориулсан харах үйлчилгээ, тоглоомын талбай ажиллуулдаг аж. Таныг паркийг үзэж, эр эмийн ёсны нарийн ширийнийг гантиг чулуугаар урласан бүтээлүүдийг гайхан биширч бахдан үзээд, зугаацаад гарч ирэх хүртэл хүүхдүүдийг тань найдвартай мэргэжлийн асрагчид харж байна.
Цэцэрлэгт хүрээлэнгийн иймэрхүү "өдөөн хатгасан" гэмээр сэдэвтэйгээ зөрчилдсөн үзмэрүүдийг нь порнографийн төрөлд хараахан оруулж болохгүй мэт. Харин бэлгийн харилцааны тэр болгон ил гаргадаггүй нарийн ширийн "урлаг"-ийг ил, бодитой мэт харуулсан нь маш зоригтой шийдэл болсон төдийгүй үйлчлүүлэгчдийн анхаарлыг татах гол зүйл болжээ.
Чежү арлыг зорих гадаад дотоодын жуулчдын хөтөлбөрт хүртэл заавал очиж үзэх өвөрмөц газраар орсон байдаг гэнэ. Энэ нь албадан байдлаар биш, жуулчдын үзэхийг хүссэн жагсаалтыг харгалзан хөтөлбөрт оруулдаг гэж онцгойлон тайлбарлажээ.
Эротик сэдвийг хөндсөн уран бүтээлүүдийн анхдагч нь энэ хүрээлэн биш ээ, бүр Викторийн үед одоо ч ганцаараа уншсан "нүүр улайж, зүрх дэлсмээр" олон санаанд багтамгүй дүрслэл бүхий эротик сэдэвтэй ном товхимол гаргаж байсан байдаг. Тэгэхээр иймэрхүү "зөрчил" бүхий эротик сэдэв өнөөгийн уран бүтээлд түгээмэл, нийтлэг сэдэв биш ч яах аргагүй мөнхийн сэдэв байсан гэдэгтэй хэн ч маргахгүй.
Эх сурвалж: http://www.kulturologia.ru/
Эх сурвалж: Bataar.mn Шар 2021-05-19 15:36:07

Сэтгэгдэл бичих