Монгол банкны ханш

USD / АНУ-ын доллар 2,850.01
CNY / БНХАУ-ын юань 434.98
RUB / ОХУ-ын рубль 38.64
EUR / Евро 3,444.66
KRW / БНСУ-ын вон 2.61
GBR / Английн фунт 3,793.08
JPY / Японы иен 27.27

Улаанбаатар хотын цаг агаар

2022 оны 12 сарын 04, Ням
“Эрдэнэс Тавантолгой” ХК-ийн нэрэмжит тэтгэлэгт 90 оюутан шалгарлаа

“Эрдэнэс Тавантолгой” ХК-ийн нэрэмжит тэтгэлэгт 90 оюутан шалгарлаа

Эх сурвалж: Bataar.mn Нийгэм 2022-11-25 15:09:00

“Эрдэнэс Тавантолгой" ХК нийгмийн хариуцлагын хүрээнд Боловсролын салбарын чанар, хүртээмжийг нэмэгдүүлэх, уул уурхайн салбарын тэргүүлэх мэргэжилтнүүдийг бэлтгэхэд хувь нэмэр оруулах зорилгоор жил бүр “Эрдэнэс Тавантолгой” ХК-ийн нэрэмжит оюутны тэтгэлэгт хөтөлбөрийг зарладаг уламжлалтай.

2022-2023 оны хичээлийн зарласан оюутны тэтгэлэгт хөтөлбөрт Монгол Улсын магадлан итгэмжлэгдсэн их дээд сургуулийн 90 оюутан шалгарч өнөөдөр батламжаа гардаж авлаа.

May be an image of 2 people and people standing

Жилээс жилд тэтгэлэгт хөтөлбөрийн цар хүрээ нэмэгдэж, оролцох оюутнуудын тоо нэмэгдсээр байна. Анх 2013 онд 11 оюутан хөтөлбөрт хамрагдаж байсан бол 2019 оноос жилд 90 оюутан тэтгэлэгт хөтөлбөрт хамрагдаж нийт 434 оюутанд 434 сая төгрөгийн тэтгэлэг олгож боловсролын салбарт хөрөнгө оруулалт хийсэн байна.

Оюутны тэтгэлэг гардуулах арга хэмжээнд “Эрдэнэс Тавантолгой” ХК-ийн Захиргаа, удирдлагын газрын дарга Н.Анун, Гадаад харилцаа хамтын ажиллагааны албаны дарга Т.Гүнжээ, ШУТИС-ийн Хөгжлийн хөтөлбөр, төлөвлөлтийн газрын дарга Д.Бямбасүрэн нар оролцлоо.

Цаашид “Эрдэнэс Тавантолгой” ХК-ийн нэрэмжит тэтгэлэгт хөтөлбөр үргэлжлэн хэрэгжиж, ирээдүйд улс эх орныг хөгжүүлэх, уул уурхайн салбарын хүний нөөцийг бэлтгэхэд дэмжлэг үзүүлсээр байх болно.

May be an image of 3 people and people standing

May be an image of 4 people, child, people standing, people sitting and indoor

Эх сурвалж: ЭТТ

Эх сурвалж: Bataar.mn Нийгэм 2022-11-25 15:09:00

Сэтгэгдэл бичих