Монгол банкны ханш

USD / АНУ-ын доллар 2,850.01
CNY / БНХАУ-ын юань 434.98
RUB / ОХУ-ын рубль 38.64
EUR / Евро 3,444.66
KRW / БНСУ-ын вон 2.61
GBR / Английн фунт 3,793.08
JPY / Японы иен 27.27

Улаанбаатар хотын цаг агаар

2022 оны 11 сарын 30, Лхагва
Он гарснаас хойш энэ сарын 11-ний байдлаар 6,469 иргэнд ипотекийн зээл олгожээ

Он гарснаас хойш энэ сарын 11-ний байдлаар 6,469 иргэнд ипотекийн зээл олгожээ

Эх сурвалж: Bataar.mn Эдийн засаг 2022-11-15 13:24:00

Ипотекийн зээлийн санхүүжилтээр он гарснаас хойш энэ сарын 11-н хүртэл хугацаанд 6,469 иргэнд 586.2 тэрбум төгрөгийг олгожээ. 

Үүнээс 343.3 тэрбум нь Монголбанкны, 242.6 тэрбум нь арилжааны банкуудын эх үүсвэрээр санхүүжигдсэн байна. Мөн энэ онд ипотекийн зээл авсан иргэдийн 4,866 нь нийслэлд, 1,603 нь орон нутагт байгаа юм.

Зээлийн хэмжээ ба авсан иргэний тоог харьцуулж үзвэл, ипотекийн зээлээр нэг иргэнд дунджаар 90.6 сая төгрөгийг олгосон байна. 

зураг
 

Дээрх графикаас харвал, сүүлийн таван жилд 2021 оныг эс тооцвол жилд дунджаар 4,000-5,000 гаруй иргэнд ипотекийн зээл олгож байв. Харин 2020 оны аравдугаар сарын 1-нээс зээлийн хүүг 6% болгон бууруулснаар ипотекийн зээл авсан иргэний тоо 2021 онд 13,292-т хүрч, 1 их наяд төгрөгийг зээлд олгожээ. Харин цар тахлын нөхцөл байдалтай холбоотойгоор зээлийн төлөлтийг хойшлуулснаар эх үүсвэр нь хумигдаж, зээл олгох нь удааширсан юм. 

УИХ дахь Монгол Ардын Намын бүлгийн дарга Д.Тогтохсүрэн "Ипотекийн зээлтэй холбоотой асуудлыг УИХ хэлэлцэж байна. Улсын төсөв энэ долоо хоногт батлагдана. УИХ дээр байгаа ажлын хэсгийн ажиллаж буй хэлбэрээр бол 2023 оны долдугаар сарын 1-н хүртэл ипотекийн зээлийг хуучнаар нь явуулах талаар яригдаж байгаа. Энэ долоо хоногт эцэслэн шийдвэрлэнэ" хэмээн өнгөрсөн долоо хоногт хэлсэн. Гэвч одоогоор үүнтэй холбоотой ямар нэг шийдвэр гараагүй байна. 

Эх сурвалж: Bataar.mn Эдийн засаг 2022-11-15 13:24:00

Сэтгэгдэл бичих