Монгол банкны ханш

USD / АНУ-ын доллар 2,850.01
CNY / БНХАУ-ын юань 434.98
RUB / ОХУ-ын рубль 38.64
EUR / Евро 3,444.66
KRW / БНСУ-ын вон 2.61
GBR / Английн фунт 3,793.08
JPY / Японы иен 27.27

Улаанбаатар хотын цаг агаар

2022 оны 08 сарын 19, Баасан
ЭЦА-аас 66 удаагийн үйлдэлтэй хулгайлах гэмт хэргийг илрүүллээ

ЭЦА-аас 66 удаагийн үйлдэлтэй хулгайлах гэмт хэргийг илрүүллээ

Эх сурвалж: Bataar.mn Нийгэм 2022-06-29 17:18:00

 Эрүүгийн цагдаагийн албаны Хулгайлах гэмт хэрэгтэй тэмцэх хэлтсийн алба хаагчид Завхан аймаг дахь цагдаагийн газрын Эрүүгийн цагдаагийн тасгийн алба хаагчидтай хамтран энэ оны хоёрдугаар сараас зургаадугаар сарын 15-ны өдрийг хүртэлх хугацаанд 66 удаагийн үйлдлээр хулгайлах гэмт хэрэг үйлдсэн 23 настай, эрэгтэй “Д” гэгчийг илрүүлэн Баянзүрх дүүргийн нутаг дэвсгэрээс баривчилж мөрдөн шалгах ажиллагаа явуулж байна.

Уг этгээд нь одоогоор:

-Архангай аймгийн нутаг дэвсгэрт 10,

-Баянхонгор аймгийн нутаг дэвсгэрт 8,

-Дархан-Уул аймгийн нутаг дэвсгэрт 22,

-Дундговь аймгийн нутаг дэвсгэрт 5,

-Сэлэнгэ аймгийн нутаг дэвсгэрт 5,

-Өвөрхангай аймгийн нутаг дэвсгэрт 13,

-Завхан аймгийн нутаг дэвсгэрт 3 нийт 66 удаагийн үйлдлээр бусдын орон байранд хууль бусаар нэвтэрч алт, мөнгөн эдлэл, зөөврийн компьютер, гар утас зэрэг овор багатай эд зүйл хулгайлж Улаанбаатар хотод “Нарантуул” зах болон “Урт цагаан” худалдааны төв, Дархан-Уул аймгийн ченжүүдэд худалдан борлуулсан нь мөрдөн шалгах ажиллагаагаар тогтоогдоод байна.

Дээрх аймгууд болон ойролцоох орон нутагт энэ төрлийн гэмт хэрэгт хохирч цагдаагийн байгууллагад мэдээлээгүй иргэд Эрүүгийн цагдаагийн албанд 99093548 дугаарын утсаар мэдээлэл ирүүлнэ үү.

Та өөрийн орон байр, албан байгууллага болон хувийн өмчдөө найдвартай хаалга цоож, цонхны хаалт хийх, хөршийн хяналтын холбоогоо сайжруулж хулгайлах гэмт хэргээс урьдчилан сэргийлээрэй.

Эх сурвалж: ЦЕГ

Эх сурвалж: Bataar.mn Нийгэм 2022-06-29 17:18:00

Сэтгэгдэл бичих

Сэтгэгдлүүд

Иргэн
Хулгайч айлууд хажуу айлаа чагнах төхөөрөмжөөр чагнаж, байхгүй үед нь түлхүүр тааруулан орж, гэрт хулгай хийдэг хэргүүд ихэсчээ.
2022-06-30 01:26:12 - 66.181.181.192