Монгол банкны ханш

USD / АНУ-ын доллар 2,850.01
CNY / БНХАУ-ын юань 434.98
RUB / ОХУ-ын рубль 38.64
EUR / Евро 3,444.66
KRW / БНСУ-ын вон 2.61
GBR / Английн фунт 3,793.08
JPY / Японы иен 27.27

Улаанбаатар хотын цаг агаар

2022 оны 08 сарын 19, Баасан
Ирэх сараас шууд нислэгийг тогтмолжуулахаар тохиролцжээ

Ирэх сараас шууд нислэгийг тогтмолжуулахаар тохиролцжээ

Эх сурвалж: Bataar.mn Нийгэм 2022-06-29 13:57:00

Монгол Улс, БНХАУ-ын холбогдох байгууллагууд хэлэлцээр хийж, хоёр улсын агаарын хилийг нээж, тогтмол нислэгийг сэргээхээр болсон. Тодруулбал, энэ сараас эхлэн Улаанбаатар-Гуанжоу, Хөх Хот руу нислэг эхлэх байв. Гэвч энэ талын шийдвэр албажаагүйгээс нислэгийг ирэх сарын 4-5-наас эхлүүлэх гэж байна.

Монголын иргэний агаарын тээврийн компаниуд нислэг хийдэг БНХАУ-ын Шанхай, Бээжингээс бусад хот руу 7 хоногт нэг удаа нислэг үйлдэх талаар Засгийн газраас өмнө нь танилцуулсан. Авиакомпаниудын нислэгийн хуваарь, чиглэлийг ИНЕГ-аас хариуцан тодорхой болгох аж.

ГХЯ-наас агаарын хилийг нээж, хоёр улсын хоорондын агаарын харилцаа, хуваарьт нислэгийг нээх санал хүсэлтийг БНХАУ-ын талд хүргүүлсэн талаар мэдээллээ. Эхний ээлжид хоёр улсын агаарын тээвэрлэгчид хоёр 7 хоногт нэг удаа нислэг үйлдэх боломжтой байхаар тохиролцож, Хятадын талаас “Air China” компанид зөвшөөрөл олгох талаар ярилцаж байна. Харин Монголын талаас Бээжин, Шанхай хотоос бусад чиглэлд хоёр 7 хоногт нэг удаа зорчигч тээврийн нислэг үйлдэх боломжтойг албаныхан хэлж байна.

ИНЕГ-аас мэдээлж буйгаар БНХАУ-ын тал агаарын тээврийн компаниудад тухайн зорчих орон нутгаасаа давхар зөвшөөрөл авах шаардлага тавьжээ. Жишээ нь, Улаанбаатараас Бээжин нисэх зорчигчид “Эйр чайна” компаниар Бээжин-Улаанбаатар, Улаанбаатараас Хөх хот орно. Хөх Хотод мөн 14 хоног тусгаарлалтад байна.

Тэндээс цааш Бээжин явах зөвшөөрлөө авах юм. Хятадын талаас Улаанбаатараас 75 хувийн дүүргэлттэй явах шаардлага тавьсан. “МИАТ” компани Улаанбаатар-Гуанжоу чиглэлээр нислэг үйлдэх бол “Аэро Монголиа” компани Улаанбаатар-Хөх хот чиглэлд нисэхээр төлөвлөжээ.

КОВИД-19-ийн цар тахлын улмаас Монгол-Хятадын агаарын хил хаагдсанаас хойш 28 сар өнгөрөөд байгаа юм. Улаанбаатар хотоос БНХАУ улс руу зорчих иргэд нислэгээс өмнө 5 хоног тусгаарлагдана. Мөн тус улсад очсоны дараа 14 хоног тусгаарлагдах талаар ИНЕГ-аас мэдээллээ.

Одоогийн байдлаар БНХАУ-ын ӨМӨЗО-ны Хөх хотын нисэх буудлаас нислэгийн зөвшөөрөл хараахан ирээгүй байна. Тусгаарлагдах 14 хоногийн зардлыг зорчигч өөрөө хариуцна. Цаашид Ковид-19-ийн нөхцөл байдал сайжирбал Хятад улс руу явах нислэгийн тоо нэмэгдэх боломжтой. Хэрэв нислэгийн 5 зорчигчоос Ковид-19-ийн шинж тэмдэг  илэрвэл нислэг цуцлах нөхцөл байдал үүснэ гэж мэдээлжээ.

Эх сурвалж: Bataar.mn Нийгэм 2022-06-29 13:57:00

Сэтгэгдэл бичих