ХУД-ээс баригдсан мөрийтэй тоглоомчдын дунд эрэн сурвалжлагдаж байсан иргэн байжээ

Эрүүгийн цагдаагийн албаны Зохион байгуулалттай гэмт хэрэгтэй тэмцэх хэлтсээс 2022 оны 05 дугаар сарын 17-ны өдөр Хан-Уул дүүргийн 11 дүгээр хорооны нутаг дэвсгэрт "Ш", "Б" нар нь 13 хүний дунд хуулиар хориглосон мөрийтэй тоглоом зохион байгуулж байсан үйлдлийг шуурхай илрүүллээ.

Тэд покер тоглож байсан бөгөөд хэргийн газраас 238 мянган төгрөг, 18 ширхэг гар утас, 200 читон хураан авчээ.

Тэдний дунд цагдаагийн байгууллагаас эрэн сурвалжлагдаж байсан нэг иргэн, өмнө нь удаа дараа ял шийтгэгдэж байсан гурван иргэн байжээ.

Хэргийг үргэлжлүүлэн шалгаж байна.