Монгол банкны ханш

USD / АНУ-ын доллар 2,850.01
CNY / БНХАУ-ын юань 434.98
RUB / ОХУ-ын рубль 38.64
EUR / Евро 3,444.66
KRW / БНСУ-ын вон 2.61
GBR / Английн фунт 3,793.08
JPY / Японы иен 27.27

Улаанбаатар хотын цаг агаар

2022 оны 01 сарын 26, Лхагва
Эхний өдөр манайхан гурван хүрэл медаль хүртлээ

Эхний өдөр манайхан гурван хүрэл медаль хүртлээ

Эх сурвалж: Bataar.mn Спорт 2021-11-27 14:28:00
       Оны сүүлчийн "Их дуулга" АБНЭУ-ын Абу Даби хотноо болж байна. Эхний өдөр барилдсан манай бөхчүүдээс гурав нь хүрэл медаль хүртэв.      
      15 бөх зодоглосон эмэгтэйчүүдийн 52 кг-д 23 настай, ОУХМ Б.Хорлоодой Португалийн Ж.Диогог 2 минут 28 секундэд, Польшийн А.Калетаг 1 минут 18 секундэд иппон буулгаад, хагас шигшээд Токиогийн олимпын мөнгө, дэлхийн аваргын хошой хүрэл медальт, Францын А.Бушарт 3 минут 24 секундэд цэвэр ялагдлаа. Хүрэл медалийн төлөөх барилдаанд марокко бүсгүй И.Соумияг 2 минут 29 секундэд цэвэр ялсан тэр, гурван "Их дуулга" дараалж медаль авлаа. Өмнө нь Баку, Парист болсон "Их дуулга"-аас хүрэл медаль зүүсэн юм.             
       57 кг-д 14 бөх барилдахад эхлээд Польшийн А.Подолакыг нэмэлт цагт вазаригаар ялсан 22 настай, ОУХМ Л.Энхрийлэн хоёрдугаар тойрогт Израилийн Т.Нельсон Левид вазаригаар ялагдаж, дагах барилдаанд Бельгийн М.Либир, хүрэл медалийн төлөөх барилдаанд Их Британийн А.Топракыг яллаа. Энэ нь түүний "Их дуулга"-аас хүртсэн хоёр дахь медаль бөгөөд 2018 онд Дюссельдорфын дэвжээнээс хүрэл медаль авч байв.                  
    Эрэгтэйчүүдийн 66 кг-ынхныг толгойлсон дэлхийн аваргын хүрэл медальт Ё.Басхүү эхлээд хийлж, дараа нь Кыргызстаны Б.Саламат-Уулуг 1 минут 28 секундэд цэвэр ялсан ч ОХУ-ын И.Мисировт 1 минут 35 секундэд цэвэр ялагдсан юм. Ингээд дагах барилдаанд Узбекистаны Д.Юлдошевийг 1 минут 14 секундэд, хүрлийн төлөө Францын В.Хэйятай цаг сунгаж, нэмэлт цагийн 23 дахь секундэд цэвэр ялснаар "Их дуулга"-ын зургаа дахь медалиа зүүжээ.                             
          41 орны 223 жүдоч оролцож буй эл тэмцээний эхний өдрийн дараах байдлаар гурван хүрэл медальтай Монгол улс багийн дүнгээр наймдугаарт бичигдэж байна.
No description available.


No description available.

No description available.
Эх сурвалж: Bataar.mn Спорт 2021-11-27 14:28:00

Сэтгэгдэл бичих