Монгол банкны ханш

USD / АНУ-ын доллар 2,850.01
CNY / БНХАУ-ын юань 434.98
RUB / ОХУ-ын рубль 38.64
EUR / Евро 3,444.66
KRW / БНСУ-ын вон 2.61
GBR / Английн фунт 3,793.08
JPY / Японы иен 27.27

Улаанбаатар хотын цаг агаар

Даваа
2021-03-08
-11°
Мягмар
2021-03-09
-7°
Лхагва
2021-03-10
-9°
Пүрэв
2021-03-11
-9°
Баасан
2021-03-12
-8°
2021 оны 03 сарын 07, Ням
Улаанбаатар хотын орон сууцны цахилгаан шат болон нийтийн тээврийн шинэчлэлд Беларусь улстай хамтран ажиллана

Улаанбаатар хотын орон сууцны цахилгаан шат болон нийтийн тээврийн шинэчлэлд Беларусь улстай хамтран ажиллана

Эх сурвалж: Bataar.mn Нийгэм 2021-01-28 16:11:44

Нийслэлийн Засаг дарга бөгөөд Улаанбаатар хотын захирагч Д.Сумъяабазар өнөөдөр Бүгд найрамдах Беларусь Улсаас Монгол Улсад суугаа Онц бөгөөд бүрэн эрхт Элчин сайд Станислав В.Чепурнойг хүлээн авч уулзлаа.

Монгол Улс Бүгд найрамдах Беларусь улстай 1992 онд дипломат харилцаа тогтоож эдийн засаг,  худалдаа, хөдөө аж ахуй, боловсролын салбарт хамтран ажилласаар ирсэн. 

Уулзалтын үеэр Нийслэлийн Засаг дарга Д.Сумъяабазар хоёр улсын хоорондын хамтын ажиллагааг шинэ түвшинд гаргаж, цаашид хотын нийгэм, эдийн засгийг хөгжүүлэх бодлого чиглэлд нийцэх төсөл, хөтөлбөрүүдийг хэрэгжүүлэхэд хамтран ажиллах хүсэлтэй байгаагаа уламжлав. 

Харин Бүгд найрамдах Беларусь Улсаас Монгол Улсад суугаа Онц бөгөөд бүрэн эрхт Элчин сайд Станислав В.Чепурной Улаанбаатар, Минск хот хооронд найрсаг харилцаа, хамтын ажиллагааг өргөжүүлэх тухай хэлэлцээрийн хүрээнд хэрэгжиж буй төсөл хөтөлбөрийн биелэлт, урт хугацаанд хэрэгжих төлөвтэй байгаа бүтээн байгуулалтын талаар уламжилж, шийдвэрлэх шаардлагатай зарим асуудлаар санал солилцов.

Талууд цаашид Улаанбаатар хотын нийтийн зориулалттай орон сууцны цахилгаан шатыг шинэчлэх төслийг хэрэгжүүлэх,  нийтийн тээврийн парк шинэчлэлтийн ажлын хүрээнд хамтран ажиллахаа илэрхийллээ.

 

 Эх сурвалж: Нийслэлийн ЗДТГ-ын Хэвлэл мэдээлэл, олон нийттэй харилцах хэлтэс

Эх сурвалж: Bataar.mn Нийгэм 2021-01-28 16:11:44

Сэтгэгдэл бичих