Монгол банкны ханш

USD / АНУ-ын доллар 2,849.83
CNY / БНХАУ-ын юань 430.24
RUB / ОХУ-ын рубль 36.93
EUR / Евро 3,374.20
KRW / БНСУ-ын вон 2.54
GBR / Английн фунт 3,747.53
JPY / Японы иен 27.55

Улаанбаатар хотын цаг агаар

ӨНӨӨДӨР
2020/11/12
-11°
Баасан
2020/11/13
-8°
Бямба
2020/11/14
-6°
Ням
2020/11/15
-9°
Даваа
2020/11/16
-8°
2020 оны 11 сарын 26, Пүрэв
Ипотекийн зургаан хувийн хүүтэй зээлийг 767 иргэнд олгожээ

Ипотекийн зургаан хувийн хүүтэй зээлийг 767 иргэнд олгожээ

Эх сурвалж: Bataar.mn Эдийн засаг 2020-11-09 15:43:44

Ипотекийн зээлийн хүүг зургаан хувь болгож бууруулсан аравдугаар сарын нэгнээс 11 дүгээр сарын тавныг хүртэлх хугацаанд Төв банк болон банкууд нийт 54 тэрбум төгрөгийн зээлийг 767 иргэнд олгожээ.

Санхүүжилтийг эх үүсвэрээр нь задалбал 61 хувь нь Монголбанкны эх үүсвэр, үлдсэн нь банкнуудынх байна. Дөрөвдүгээр сард УИХ баталсан цар тахлаас урьдчилан сэргийлэх, тэмцэх, нийгэм, эдийн засагт үзүүлэх сөрөг нөлөөллийг бууруулах тухай хуулийн хүрээнд Төв банк Засгийн газарт шилжүүлээд байсан ипотекийн зээлийн хөтөлбөрөө үргэлжлүүлэн санхүүжүүлж байна. Ипотекийн зээлээр баталгаажсан бондын үндсэн төлбөрийн орлогоор 2020 оныг дуустал ипотекийн зээлийг үргэлжлүүлэн санхүүжүүлэх юм.

Цаашид санхүүжилтийн эх үүсвэрийн тогтвортой тогтолцоог бий болгох үндэсний хөтөлбөрийг боловсруулахаар төлөвлөөд байна. Энэ чиглэлээр ажлын хэсэг байгуулсан юм. Ингэхдээ ипотекийн зээлийг зорилтот бүлгүүдэд чиглүүлж, урт хугацаанд зах зээлийн зарчимд тулгуурласан системд шилжүүлнэ. Олон Улсын Валютын Сангийн зөвлөмж болон олон улсын сайн туршлагатай нийцүүлэн орон сууцны ипотекийн зээлийг засгийн газар хариуцахад хамтран ажиллах стратеги баримтлах юм.

Мөн цар тахлын үеийн хуулиар Монголбанк 38 мянга 270 зээлдэгчийн хоёр их наяд төгрөгийн зээлийн эргэн төлөлтийн хугацааг зургаан сараар хойшлуулсан юм. Энэ нь ипотекийг зээлийн хөтөлбөрт хамрагдсан нийт зээлдэгчийн 53 хувьтай тэнцжээ.

Эх сурвалж: Bataar.mn Эдийн засаг 2020-11-09 15:43:44

Сэтгэгдэл бичих